Amerikaning Viskonsin shtati Miluoki shahrida ikki yoshli bolakay tasodifan onasini o‘zi topib olgan to‘pponchadan otib qo‘ydi, deya xabar bermoqda “TASS” huquq-tartibot organlari vakillariga tayanib.
Fojia 26 yoshli Patris Prays shahardagi shosselardan birida avtomobil boshqarib ketayotganida sodir bo‘lgan. Orqa o‘rindiqda o‘tirgan bola mashinadan o‘qlangan to‘pponchani topib oldi, so‘ng o‘zi bilmagan holda tepkini bosdi. O‘q Prays o‘tirgan haydovchi o‘rindig‘ini teshib o‘tib, unga halokatli jarohat yetkazdi. U voqea joyidayoq vafot etdi. Avtomobilda bo‘lgan Praysning onasi va uning yana bir o‘g‘liga shikast yetmadi.
Tergovchilar aniqlashicha, ayol qo‘riqchi bo‘lib ishlaydigan yigitining avtomobilini haydab ketayotgan bo‘lgan. Bola mashinadan topib olgan qurol, dastlabki ma’lumotlarga ko‘ra, aynan unga tegishli bo‘lgan.
Izoh (0)