AQSh prezidenti Barak Obama Rossiyaga qarshi sanksiyalar Minsk kelishuvlari bajarilganidan so‘ng “olib tashlanishi mumkin va kerak”ligini aytdi, deb yozadi “Gazeta.ru”.
Bu haqda u Gannoverda Germaniya kansleri Angela Merkel bilan qo‘shma matbuot anjumani chog‘ida ma’lum qildi.
“Rossiya o‘z majburiyatlarini bajargach, sanksiyalar undan olib tashlanishi mumkin va shart”, — dedi Obama.
Nashr eslatishicha, avvalroq Rossiya tashqi ishlar vazirligi rasmiy vakili Mariya Zaxarova Rossiya Minsk kelishuvlari subyekti bo‘lmagani sababli, ularni buzmayotganini aytgan edi.
Izoh (0)