Такси буюртма қилиш бўйича Uber хизмати Калифорния ва Массачусетс штатларида ҳайдовчилар билан келишувга эришди, унга кўра, компания коллектив даъвони қайтариб олиши эвазига уларга 100 миллион долларгача тўлайди. Бу ҳақда Uber блогига таяниб, «Интерфакс» хабар бермоқда.
Сервис ҳайдовчиларга 84 миллион долларни зудлик билан жўнатади, компания IPO (биржада дастлабки таклиф қилинган нарх)ни амалга оширса ва йил давомида унинг капитализацияси молиялаштиришнинг сўнгги раунди доирасида унга берилган баҳодан 1,5 марта ошса, яна 16 миллион долларни тақдим этади. Ўшанда компания 62,5 миллиард долларга баҳоланган эди.
Даъво уларни мустақил пудратчи эмас, бевосита компания ходимлари деб тан олишни талаб қилган ҳайдовчиларнинг мақоми билан боғлиқ эди. АҚШда жами 450 мингга яқин автомобиль эгалари Uber билан ҳамкорлик қилади.
Изоҳ (0)