Qozog‘istonning velosport bo‘yicha amaldagi chempionlari, 18 yoshli Gunoydin Hoji Dursun va Abilxair Kosherbayev 22-aprel, juma kuni Taroz shahrida mashg‘ulotlar davomida “KamAZ” yuk avtomobili ostida qoldi. Bu haqda “Gazeta.ru” xabar bermoqda.
Hoji Dursun voqea joyida halok bo‘ldi, Kosherbayev esa og‘ir jarohatlar bilan reanimatsiyaga yotqizildi. Shifokorlar hozirda uning hayoti uchun kurashmoqda.
“KamAZ” haydovchisi qo‘lga olindi va hozirda ko‘rsatma bermoqda. Falokatga nima sabab bo‘lganiga tergov oydinlik kiritadi.
Izoh (0)