Қозоғистоннинг велоспорт бўйича амалдаги чемпионлари, 18 ёшли Гунойдин Ҳожи Дурсун ва Абилхаир Кошербаев 22 апрель, жума куни Тароз шаҳрида машғулотлар давомида «КамАЗ» юк автомобили остида қолди. Бу ҳақда «Газета.ru» хабар бермоқда.
Ҳожи Дурсун воқеа жойида ҳалок бўлди, Кошербаев эса оғир жароҳатлар билан реанимацияга ётқизилди. Шифокорлар ҳозирда унинг ҳаёти учун курашмоқда.
«КамАЗ» ҳайдовчиси қўлга олинди ва ҳозирда кўрсатма бермоқда. Фалокатга нима сабаб бўлганига тергов ойдинлик киритади.
Изоҳ (0)