Rossiyaning Yamal yarim orolidagi Mis-Kamenniy qishlog‘ida Robinson vertolyoti yo‘qolib qoldi, deya xabar bermoqda “RBK”. Bu haqda 18-aprel, dushanba kuni ma’lum bo‘lgan.
Rossiya favqulodda vaziyatlar vazirligining hududiy boshqarmasi ma’lumotlariga ko‘ra, Robinson markasidagi uchta vertolyot Komi Respublikasidan Beliy oroliga parvoz etayotgan bo‘lgan. Ular orolga yaqinlashganida ob-havo sharoiti yomonlashgan. Vertolyotlardan biri joyni razvedka qilishga ketgan, qolgan ikki vertolyot Sabetta qishlog‘iga uchib ketgan.
Oxir-oqibat, razvedkaga ketgan vertolyot bilan aloqa uzilgan. Uning bortida uch kishi bo‘lgan. Yo‘qolgan vertolyotni qidirish uchun uch kishi ikkita qorda yuradigan mashinada yo‘lga otlangan.
Keyinroq FVV okrug boshqarmasi vertolyot qattiq qo‘nishni amalga oshirgani, uning bortidagi uch kishining barchasi halok bo‘lganini ma’lum qildi.
Izoh (0)