43 yoshli Jastin Tryudo 2015-yil 19-oktabr kuni Kanada bosh vaziriga aylandi. Tryudo bundan avval ham yosh va ko‘rkamligi bilan hammaga yoqardi; biroq hukumat rahbari sifatida ishlagan dastlabki yarim yil davomida u o‘zining ko‘plab qobiliyatlarini ommaga ko‘rsata oldi. Meduza nashri Kanadaning hozirgi bosh vaziri nima uchun zo‘r ekanligini tushuntirdi. Siyosatdan xoli ravishda.
Kvant kompyuterlar nima ekanligini biladi
Kuni kecha bir jurnalist Jastin Tryudodan kvant kompyuterlar qanday ishlashi haqida so‘radi. Tryudo bu savolga ham javob berdi!E’tiborli tomoni, Tryudo aytgan gap juda ham haqiqatga o‘xshaydi — har holda, Buzzfeed murojaat qilgan Toronto universiteti professori shunday dedi. Uning Makgill universitetidagi hamkasbi esa nisbatan qattiqqo‘lroq chiqdi: “Bosh vazirning urinishi yaxshi chiqdi, biroq aytganlarining aksariyati quruq gap va biroz xato”.
Rangli paypoq kiyadi
Tryudo 1-aprel kuni Vashingtondagi AQSh savdo palatasida chiqish qildi. U oyog‘iga bosh va boshqa suyaklarning rang-barang rasmi tushirilgan paypoq kiyib olgan edi.https://twitter.com/Gary__Bass/status/715903739933171712
Bu tasodif emas: Kanada bosh vaziri tez-tez shunday paypoqlarni kiyadi. Davosdagi forumga u yashil bosh suyagi tasviri bor paypoqda kelgan edi, o‘zining vazirlar mahkamasini esa zarangning oq yaprog‘i tasvirlangan qizil paypoqda kutib olgan. Tryudoning boshqa paypoqlari suratlari bilan bu yerda tanishi mumkin.
https://twitter.com/TheTorontoSun/status/687626509733855232
Pandalarni quchoqlaydi
Kadrda kim ko‘proq yoqimtoyroq ekanini aniqlash qiyin bo‘lgan kamyob holatlardan biri — pandalarmi yoki ularni quchoqlab turgan odam? Tryudo bu yosh pandalar bilan ularga ism berilgan kuni uchrashgan va ularni quchoqlagan edi.
Yoga bilan shug‘ullanadi
Tryudoning bu suratdagi harakati “mayurasana” (“tovus holati”) deb ataladi.https://twitter.com/JustinTrudeau/status/321089308381564928
Surat eski (ko‘rib turganingizdek, Tryudo uni 2013-yili yuklagan), biroq 2016-yil marti oxirida u internetda keng tarqalib ketdi. Va hazil-suratlarga sabab bo‘ldi.
Yana shu ham ma’lum bo‘ldiki, Jastinning otasi — Pyer Tryudo ham “tovus holati”da tura olgan ekan (Pyer Tryudo ham qachonlardir Kanadaning bosh vaziri bo‘lgan).
Obama bilan xokkey haqida bahslashadi
Bir oy avval AQSh prezidenti Barak Obama Oq uyda Jastin Tryudoni qabul qildi. Tabrik nutqida Obama ikki mamlakat o‘rtasidagi yaxshi qo‘shnichilik munosabatlarini e’tirof etib, ayni vaqtda, AQSh va Kanada hech qachon kelisha olmaydigan masalalar ham borligini eslab o‘tdi: kimning pivosi zo‘rroq va kim yaxshiroq xokkey o‘ynaydi? Yig‘ilganlar kula, Tryudo esa boshini sarak-sarak qila boshladi, Obama esa gapida davom etdi: “Stenli Kubogi hozir qayerda o‘zi? Mening ona shahrimda, ‘Chikago Blekxoks’ ixtiyoridami?”.Biroq Tryudo bu vaziyatdan ham chiqib keta oldi: u Kanadaning eksportchi mamlakat ekanligini aytib, “Chikago Blekxoks” tarkibida o‘ynayotgan kanadalik xokkeychilarning Amerikadagi muvaffaqiyatlarini tilga olib o‘tdi.
Izoh (0)