Канада бош вазири Жастин Трюдони нима учун ҳамма яхши кўради?

43 ёшли Жастин Трюдо 2015 йил 19 октябрь куни Канада бош вазирига айланди. Трюдо бундан аввал ҳам ёш ва кўркамлиги билан ҳаммага ёқарди; бироқ ҳукумат раҳбари сифатида ишлаган дастлабки ярим йил давомида у ўзининг кўплаб қобилиятларини оммага кўрсата олди. Meduza нашри Канаданинг ҳозирги бош вазири нима учун зўр эканлигини тушунтирди. Сиёсатдан холи равишда.

Квант компьютерлар нима эканлигини билади

Куни кеча бир журналист Жастин Трюдодан квант компьютерлар қандай ишлаши ҳақида сўради. Трюдо бу саволга ҳам жавоб берди!

Эътиборли томони, Трюдо айтган гап жуда ҳам ҳақиқатга ўхшайди — ҳар ҳолда, Buzzfeed мурожаат қилган Торонто университети профессори шундай деди. Унинг Макгилл университетидаги ҳамкасби эса нисбатан қаттиққўлроқ чиқди: «Бош вазирнинг уриниши яхши чиқди, бироқ айтганларининг аксарияти қуруқ гап ва бироз хато».

Рангли пайпоқ кияди

Трюдо 1 апрель куни Вашингтондаги АҚШ савдо палатасида чиқиш қилди. У оёғига бош ва бошқа суякларнинг ранг-баранг расми туширилган пайпоқ кийиб олган эди.

https://twitter.com/Gary__Bass/status/715903739933171712

Бу тасодиф эмас: Канада бош вазири тез-тез шундай пайпоқларни кияди. Давосдаги форумга у яшил бош суяги тасвири бор пайпоқда келган эди, ўзининг вазирлар маҳкамасини эса зарангнинг оқ япроғи тасвирланган қизил пайпоқда кутиб олган. Трюдонинг бошқа пайпоқлари суратлари билан бу ерда таниши мумкин.

#TOSunFront: Offside! Justin Trudeau sports Habs socks for Tory meeting #TOpoli #cdnpolihttps://t.co/Er8G47otr1 pic.twitter.com/7iERbDlbeh

— Toronto Sun (@TheTorontoSun) January 14, 2016

Пандаларни қучоқлайди

Кадрда ким кўпроқ ёқимтойроқ эканини аниқлаш қийин бўлган камёб ҳолатлардан бири — пандаларми ёки уларни қучоқлаб турган одам? Трюдо бу ёш пандалар билан уларга исм берилган куни учрашган ва уларни қучоқлаган эди.

Йога билан шуғулланади

Трюдонинг бу суратдаги ҳаракати «маюрасана» («товус ҳолати») деб аталади.

RT @gregkolz: JT is level-headed & able to bring Canada to new heights. That's why he's my choice for #Liberal Leader pic.twitter.com/ooUfOLVnfX

— Justin Trudeau (@JustinTrudeau) April 8, 2013

Сурат эски (кўриб турганингиздек, Трюдо уни 2013 йили юклаган), бироқ 2016 йил марти охирида у интернетда кенг тарқалиб кетди. Ва ҳазил-суратларга сабаб бўлди.

Яна шу ҳам маълум бўлдики, Жастиннинг отаси — Пьер Трюдо ҳам «товус ҳолати»да тура олган экан (Пьер Трюдо ҳам қачонлардир Канаданинг бош вазири бўлган).

Обама билан хоккей ҳақида баҳслашади

Бир ой аввал АҚШ президенти Барак Обама Оқ уйда Жастин Трюдони қабул қилди. Табрик нутқида Обама икки мамлакат ўртасидаги яхши қўшничилик муносабатларини эътироф этиб, айни вақтда, АҚШ ва Канада ҳеч қачон келиша олмайдиган масалалар ҳам борлигини эслаб ўтди: кимнинг пивоси зўрроқ ва ким яхшироқ хоккей ўйнайди? Йиғилганлар кула, Трюдо эса бошини сарак-сарак қила бошлади, Обама эса гапида давом этди: «Стэнли Кубоги ҳозир қаерда ўзи? Менинг она шаҳримда, ‘Чикаго Блэкхокс’ ихтиёридами?».

Бироқ Трюдо бу вазиятдан ҳам чиқиб кета олди: у Канаданинг экспортчи мамлакат эканлигини айтиб, «Чикаго Блэкхокс» таркибида ўйнаётган канадалик хоккейчиларнинг Америкадаги муваффақиятларини тилга олиб ўтди.

Супермаркетнинг оддий халталаридан фойдаланади

Buzzfeed Жастин Трюдонинг хотини ва болалари билан самолётдан тушиб келаётган видеосини ўрганиш жараёнида, Канада бош вазирига қойил қолса арзийдиган яна бир жиҳатни аниқлади: унинг турмуш ўртоғи — Софи Грегуарнинг қўлида «Metro супермаркетининг жирканч, кўп марта фойдаланиладиган пакети» бўлган. Улар худди оддий одамлардек саёҳат қилишади!

Ҳиндча рақсларга тушади

Оқ либосдаги йигит — Жастин Трюдо. У панжобликларнинг миллий рақси — бхангра рақсига тушмоқда.

Ҳазил тариқасида зинадан йиқила олади

Бош вазир бўлишидан аввал, Трюдо интервью бераркан, шунчаки зинадан йиқилган эди. Ўзи хоҳлаб.

Ва ниҳоят, қироличанинг мутойибасига мушарраф бўлган

Қиролича Елизавета II шарафига қадаҳ кўтараркан, Жастин Трюдо қироличанинг ҳукмронлик давридаги Канаданинг 12-бош вазири эканлигини, отаси эса 4-бош вазир бўлганини айтиб ўтган. Елизавета II бунга ҳазил билан жавоб қайтарган: «Шу қадар кекса эканлигимни ҳис қилдирганингиз учун раҳмат!».