Ekvadorda 17-aprel, yakshanbaga o‘tar kechasi ro‘y bergan kuchli zilzila oqibatida 77 kishi halok bo‘ldi, jabrlanganlar soni 588 kishiga yetdi. Bu haqda mamlakat vitse-prezidenti Xorxe Glas ma’lum qildi, deya xabar beradi “RBK”.
Oldinroq yerosti silkinishida 28 kishi o‘lgani haqida xabar berilgandi.
Vitse-prezident sunami xavfi yo‘q ekanligi va qirg‘oq yaqinidagi hududlarda yashovchilar uylariga qaytishi mumkinligini ma’lum qildi.
Zilzila oqibatlarini bartaraf etish va jabrlanganlarga yordam ko‘rsatish uchun rasmiylar 300 million dollar ajratdi. Yerosti silkinishi kuzatilgan mintaqalarga qo‘shimcha huquq-tartibot kuchlari, shifokor va qutqaruvchilar, shuningdek, armiya safarbar etilgan.
Izoh (0)