Rim papasi Fransiskning Gretsiyadagi Lesbos oroliga tashrifi kutilmagan tarzda yakunlandi — u Alitalia maxsus samolyoti bortida o‘zi bilan birga muhojirlar lageridan 12 nafar qochoqni olib keldi. Bu haqda “TASS” xabar bermoqda.
Papa ma’muriyati rahbari Federiko Lombardining bildirishicha, qochqinlar jami olti nafar bolasi bor suriyalik uch musulmon oilasi bo‘lib, ular YeIning Turkiya bilan kelishuvi kuchga kirgunga qadar orolda bo‘lgan. Gretsiya va Italiya rasmiylari o‘rtasidagi bitimga ko‘ra, muhojirlarga avliyo Yegidiy katolik jamoasi mezbonlik qiladi.
Papa Gretsiyadagi orolga tashrifidan ko‘zda tutilgan asosiy maqsad “muhojirlar bilan bog‘liq buhronga butun dunyo diqqatini jalb etish” istagi ekanligini ma’lum qildi. Italiya prezidenti Serjo Mattarella uning nomiga yo‘llangan telegrammada papaning missiyasi “Yevropani oyoqqa turg‘izgani”ni bayon qildi.
Gretsiya Fransisk tashrif buyurgan 13-mamlakat bo‘ldi. Yaqin orada u Polsha, Armaniston, Gruziya, Ozarbayjon va Shvetsiyaga borishi ko‘zda tutilgan.
Izoh (0)