O‘zini yonayotgan o‘rmon fonida videoga olgan AQSh fuqarosi 8-aprel, juma kuni 20 yillik qamoq jazosiga hukm qilindi va 60 million dollar jarimaga tortildi. Bu haqda TJournal xabar bermoqda.
Oldinroq bunga aloqadorligini inkor etib kelgan 37 yoshli Ueyn Allen Xantsmen Kaliforniyada 2014-yilda ro‘y bergan eng kuchli yong‘inlardan birini keltirib chiqargan o‘t qo‘yishdagi aybini tan oldi.
Xantsmen o‘zini alangalayotgan ikki gulxan fonida videoga olgan va uni o‘t qo‘yilgan joy yaqinida avtomobilida olib ketgan haydovchiga ko‘rsatgan. Haydovchi videoni saqlab qolgan va keyinchalik politsiyaga bergan. Oradan bir necha kun o‘tib, Xantsmen hibsga olingan.
Yong‘in Kaliforniyadagi salkam 100 ming akr o‘rmon va kamida 12 ta turar-joyni yo‘q qilgan, minglab fuqaro xavfsiz joyga ko‘chirilgandi. Uni o‘chirish uchun 27 kun kerak bo‘lgan.
https://youtu.be/WvLGfpaoChI
Izoh (0)