9-aprel, shanbaga o‘tar kechasi Braziliya janubidagi Parana shtatida avtobus bilan bog‘liq yo‘l-transport hodisasida o‘n kishi halok bo‘ldi, 24 kishi jarohat olgan. Bu haqda Globo telekanali ma’lum qildi, deya xabar beradi “TASS”.
Dastlabki ma’lumotlarga ko‘ra, hodisa talonchilikka urinish sababli ro‘y bergan. Omon qolgan yo‘lovchilarning bildirishicha, halokatdan bir necha soniya avval avtobus yonida ketayotgan mashinadan bir necha o‘q uzilgan. Talonchilardan qutulib qolishga harakat qilgan haydovchi boshqaruvni uddalay olmagan va daraxtga urilgan. To‘qqiz kishi voqea joyida o‘lgan, yana bir kishi kasalxonada vafot etgan.
Avtobus Braziliyaning San-Paulu shtatidan Paragvayga ketayotgan bo‘lgani bildirilgan.
Izoh (0)