AQSh prezidentligiga Demokratik partiyadan nomzod Hillari Klinton Vayoming shtatidagi dastlabki saylovlarda Vermont shtatidan senator Byorni Sandersga yutqazmoqda, deb yozadi “RBK” NBC telekompaniyasiga tayanib.
Sanders ovozlarning 56 foizini, Klinton — 44 foizini to‘pladi. Ayni paytda byulletenlarning 98 foizi hisoblab chiqilgan.
Vayomingda nomzodlar 14 delegat ovozi uchun kurash olib borgan. Ammo ushbu g‘alaba saylovoldi poyganing borishiga ta’sir qilmaydi, chunki Vayoming shtatlar ichida eng kam delegatlar sonini taklif etadi.
Hozirgi paytda Klinton 1286, Sanders esa 1037 saylovchining ovoziga ega. Ta’kidlanishicha, Sandersning g‘alabasi Nyu-Yorkdagi praymeriz arafasida saylovchilar kayfiyatiga ta’sir qilishi mumkin.
Viskonsindagi praymerizda ham Klinton Sandersga yutqazib qo‘ygan edi. O‘shanda senator ovozlarning 50 foizdan ortig‘ini to‘plab, Klintonni 9 foizga ortda qoldirgan edi.
Izoh (0)