Виржиния олий суди қотиллик ва зўрлашда айбланиб, 33 йил қамоқда ўтирган 63 ёшли Кит Аллен Харвардни айбсиз деб топди. Маҳбус 8 апрель, жума куни озодликка чиқди, дея хабар беради Meduza.
1982 йилда Харвард эркакни ўлдирганлик ва унинг хотинини зўрлашда айбланиб, умрбод қамоқ жазосига ҳукм қилинади. Харвард судда ўзининг айбсиз эканлигини даъво қилган, бироқ суд буни инобатга олмаганди.
Ҳукм ДНК-тест туфайли бекор қилинди: тест жиноят жойида Харварднинг ирсий материаллари йўқлигини кўрсатди. Тўпланган намуналарда бошқа киши — Жерри Кроттига тегишли ДНК топилди. У 2006 йили қамоқхонада, талончилик ва одам ўғирлашда айбланиб жазо ўтаётганда ўлганди.
1982 йили, қотиллик ва зўрлаш амалга оширилганда Харвард ва Кротти «Карл Винсон» авиаташувчисида биргаликда хизмат ўтаган.
Изоҳ (0)