Moskva BMT Xavfsizlik kengashiga Suriya bo‘yicha muzokaralarning navbatdagi raundi qatnashchilari to‘liq ishtirok etishi talab etilgan OAV uchun bayonot loyihasini taqdim etdi. Biroq loyiha Kengashning g‘arblik a’zolari tomonidan blokirovka qilindi. Bu haqda Rossiyaning BMTdagi doimiy vakili Vitaliy Churkin ma’lum qildi, deya xabar beradi “RIA Novosti”.
Churkin Jenevadagi muzokaralarga suriyalik kurdlar taklif etilmaganidan xavotir bildirgan. Uning aytishicha, bu Xavfsizlik kengashining barcha rezolyutsiyalariga ziddir. “Muzokaralarda Suriya jamiyatining barcha qatlamlari ishtiroki o‘ta muhim, chunki bo‘lajak maslahatlashuvlarda Suriya davlat siyosiy tizimi shakllantirilishiga oid masalalar muhokama etilishi kutilmoqda”, — deya ta’kidlagan Churkin.
Jenevada 14-mart kuni qayta boshlangan Suriyadagi tomonlar o‘rtasidagi muzokaralar kurdlar ishtirokisiz bo‘lib o‘tgan. Ushbu muzokaralarning kelgusi raundi 11-aprelda boshlanadi.
Izoh (0)