AQSh davlat kotibining siyosiy masalalar bo‘yicha o‘rinbosari Tomas Shennon AQSh senatining xalqaro aloqalar bo‘yicha qo‘mitasi a’zolariga Vashington “Eronga Su-30 yetkazilishiga berilgan ruxsatni to‘xtatib qo‘yishi mumkinligi”ni ma’lum qildi. Bu haqda “RBK” xabar bermoqda.
Shennon, shuningdek, bunday kelishuv BMT Xavfsizlik Kengashi tomonidan ma’qullanishi kerakligini ta’kidladi.
Eronning Rossiyadan Su-30 (Amerikaning F15E’siga o‘xshash ko‘p nishonli og‘ir qiruvchi samolyotlar) sotib olish rejasi haqida 2015-yil avgustidayoq ma’lum bo‘lgan edi.
Fevral boshida esa Eron mudofaa vaziri ham Islom respublikasining bunday niyatini oshkor etdi, keyinroq oldi-sotdi qiymati 8 milliard dollardan kam bo‘lmasligi ma’lum qilindi. Rossiyalik amaldorlardan biri o‘shanda Su-30ni yetkazib berish haqidagi shartnoma Moskva va Tehron o‘rtasida 2016-yil oxirigacha imzolanishini aytdi.
Izoh (0)