Москва БМТ Хавфсизлик кенгашига Сурия бўйича музокараларнинг навбатдаги раунди қатнашчилари тўлиқ иштирок этиши талаб этилган ОАВ учун баёнот лойиҳасини тақдим этди. Бироқ лойиҳа Кенгашнинг ғарблик аъзолари томонидан блокировка қилинди. Бу ҳақда Россиянинг БМТдаги доимий вакили Виталий Чуркин маълум қилди, дея хабар беради «РИА Новости».
Чуркин Женевадаги музокараларга суриялик курдлар таклиф этилмаганидан хавотир билдирган. Унинг айтишича, бу Хавфсизлик кенгашининг барча резолюцияларига зиддир. «Музокараларда Сурия жамиятининг барча қатламлари иштироки ўта муҳим, чунки бўлажак маслаҳатлашувларда Сурия давлат сиёсий тизими шакллантирилишига оид масалалар муҳокама этилиши кутилмоқда», — дея таъкидлаган Чуркин.
Женевада 14 март куни қайта бошланган Суриядаги томонлар ўртасидаги музокаралар курдлар иштирокисиз бўлиб ўтган. Ушбу музокараларнинг келгуси раунди 11 апрелда бошланади.
Изоҳ (0)