Rossiyaliklarning to‘rtdan uch qismi mamlakatda korrupsiya darajasi o‘sganligini bildirmoqda

Rossiyada G‘arb davlatlariga qaraganda korrupsiya darajasi yuqori. “Levada-sentr” o‘tkazgan so‘rovda ishtirok etganlarning 36 foizi shunday fikrda, 38 foizi esa ular o‘xshash miqyosda ekanligini bildirgan. So‘ralganlarning atigi 10 foizi G‘arbda korrupsiya Rossiyaga nisbatan sezilarli ravishda past deb baholaydi, deya xabar beradi “RBK”. 

So‘rovda ishtirok etganlarning to‘rtdan uch qismi Rossiyada korrupsiya darajasi o‘sganligini qayd etgan. Shuningdek, aksariyat qismi (62%) “davlat idoralarida korrupsiyaga mutlaqo yo‘l qo‘ymaslik kerak”, degan fikrda. Respondentlarning 44 foizi “kundalik masalalarni pora yordamida umuman hal etmaslik zarur” deb hisoblaydi, 31 foizi esa buni qabul qilolmaydi. So‘rovda qatnashganlarning 44 foizi “mansabdorlarning ko‘pchiligi qonunni buzgan” deb o‘ylaydi, 18 foizi esa “bunga deyarli barcha amaldorlar qo‘l urgan”, degan fikrda. 

So‘ralganlarning chorak qismi “Rossiya hokimiyat tuzilmalari korrupsiya bilan to‘liq qamrab olingan” deya javob bergan. 51 foizi bu sezilarli darajada ekanligini qayd etgan.