Suriyada rossiyalik harbiy xizmatchi, maxsus topshiriqli bo‘linma ofitseri Vadim Tumakov halok bo‘ldi. “RBK” yozishicha, bu haqda Orenburgning “Orenday.ru” portali Tumakovning qarindoshlariga tayanib xabar bergan.
Portal qayd etishicha, Tumakovning jasadi o‘z vatani — Orenburg viloyati Sol-Iletskiy tumani Pokrovka qishlog‘iga yetkazilgan.
Harbiy xizmatchining o‘limi tafsilotlari va aniq sanasini nashr keltirmadi. Qarindoshlari uning shartnoma asosida xizmat qilganini aytgan.
“Xizmat safarlari uzoq davom etardi. Biroq Vadim doim savollarimizdan qochishga harakat qilardi. Hech qachon qayerda bo‘lgani va nimalarni ko‘rganini aytmasdi… O‘limining tafsilotlari bizga qorong‘i”, — dedi Tumakovning qarindoshlari.
Avvalroq Suriya operatsiyalari chog‘ida olti nafar rossiyalik harbiy xizmatchi halok bo‘lgani haqida rasman xabar berilgan edi.
Izoh (0)