Islandiya hukumati rahbari Sigmyundyur David Gyunnlyoygsson Jurnalistlik tadqiqotlari xalqaro konsorsiumi (ICIJ) tomonidan ofshorlar haqidagi ma’ruza e’lon qilingach, iste’foga chiqishga qaror qildi. Bu haqda siyosatchining atrofidagi kishilarga tayanib, “Vesti.ru” xabar bermoqda.
Mossack Fonseca kompaniyasi ma’lumotlar bazasidan axborot chiqib ketishi natijasida OAVlarda qator dunyo yetakchilari va ularning yaqinlari pul yuvish va soliqlardan bosh tortish bo‘yicha sxemalarga aloqadorligi haqida ma’lumot paydo bo‘lgan edi.
Xususan, ularda 2007-yilda Sigmyundyur David Gyunnlyoygsson o‘zining bo‘lajak rafiqasi bilan Virginiya orollarida Wintris Inc. kompaniyasini tashkil qilganligi tilga olingan.
Avvalroq Reykyavikda parlament binosi yaqinida bosh vazir iste’fosini talab qilib, ommaviy namoyishlar uyushtirildi. Poytaxt ko‘chalariga Sigmyundyur David Gyunnlyoygsson ofshor kompaniya bilan aloqadorligi fosh bo‘lgach o‘z lavozimida qolishga haqli emas deb hisoblovchi 8 ming kishi chiqdi.
Izoh (0)