Italiyalik taniqli futbolchi va murabbiy Chezare Maldini 3-aprelga o‘tar kechasi 84 yoshida vafot etdi. Bu haqda “TASS” xabar bermoqda.
Futbolchi sifatidagi faoliyatini 1952-yili “Triyestina” jamoasida boshlagan Maldini kelgusida karyerasini “Milan” bilan bog‘ladi. 1954—1966-yillarda bu klub uchun barcha turnirlarda 412 ta o‘yinda maydonga tushdi, to‘rt karra Italiya chempioni, Yevropa chempionlari kubogi sohibi bo‘ldi.
1967-yili futbolchilik faoliyatini yakunlaganidan so‘ng “Milan”, “Parma”. “Foja”, “Ternana” klublari, Italiya yoshlar va milliy, Paragvay milliy terma jamoalarini boshqardi. Uning o‘g‘li Paolo Maldini ham otasi izidan borib, mashhur futbolchi bo‘lib yetishgandi.
Izoh (0)