Kataloniyaning “Barselona” futbol klubi bosh murabbiyi Luis Enrike “Real Madrid”ga qarshi Ispaniya chempionati 31-tur uchrashuvidan so‘ng o‘z fikrlari bilan o‘rtoqlashdi, deya xabar bermoqda BarcaStuff.
“Barselona” va “Real Madrid” o‘rtasidagi uchrashuv Toshkent vaqti bilan 3-aprelga o‘tar kechasi bo‘lib o‘tdi. Unda “Real Madrid” 2:1 hisobida g‘alaba qozondi.
“‘Real’ himoyada o‘ynab, qarshi hujumlar uchun payt poyladi. Biz deyarli butun uchrashuv davomida o‘yinning borishini nazorat qilib turdik, biroq so‘ng 10—15 daqiqada hammasi o‘zgardi”, — dedi Luis Enrike.
“Biz endi tezroq harakat qilishimiz kerak. Mag‘lubiyatlardan ham samara chiqarish mumkin. Keyingi uchrashuvlarni tayyorgalikni davom ettiramiz, bilamiz, bu o‘yinlar oson bo‘lmaydi”, — dedi “Barselona” bosh murabbiyi.
“Ramos maydondan juda kech chetlatildi? Men hakamning qarorlariga izoh berishga odatlanmagan”, — deya qo‘shimcha qildi “Barselona” bosh murabbiyi Luis Enrike.
Ma’lumot uchun, 39 o‘yinlik mag‘lubiyatsiz seriyasi “El-Klasiko”da yakuniga yetgan “Barselona” 76 ochko bilan liga peshqadami bo‘lib turibdi. Madrid klublaridan “Atletiko” 70, “Real” 69 ochkoga ega.
Izoh (0)