Madridning “Real” futbol klubi bosh murabbiyi Zinedin Zidan “Barselona”ga qarshi Ispaniya chempionati 31-tur uchrashuvidan so‘ng o‘z fikrlari bilan o‘rtoqlashdi, deya xabar bermoqda “Sports.ru”.
“Barselona” va “Real Madrid” o‘rtasidagi uchrashuv Toshkent vaqti bilan 3-aprelga o‘tar kechasi bo‘lib o‘tdi. Unda “Real Madrid” 2:1 hisobida g‘alaba qozondi.
“Men juda baxtiyorman, xususan, natijadan qoniqish hosil qildim. Tanaffusgacha biz ma’lum bir qiyinchiliklarni his qilayotgandik. ‘Real Madrid’ futbolchilari bilan faxrlanaman”, — dedi Zidan.
Zidan “Barselona” ustidan qozonilgan g‘alaba Madrid jamoasi uchun mavsumning hal qiluvchi pallasi bo‘lishi mumkinmi, degan savolga quyidagicha javob berdi: “Ha, bo‘lishi mumkin. Bizga bu g‘alaba zarur edi”.
Ma’lumot uchun, 39 o‘yinlik mag‘lubiyatsiz seriyasi “El-Klasiko”da yakuniga yetgan “Barselona” 76 ochko bilan liga peshqadami bo‘lib turibdi. Madrid klublaridan “Atletiko” 70, “Real” 69 ochkoga ega.
Izoh (0)