Fotogalereya: “Real Madrid” bir kishi kam bo‘lib “Kamp Nou”da “Barselona”ni mag‘lub etdi

Bir necha kun avval gollandiyalik futbolchi va murabbiy, “Barselona” safida porlagan Yoxan Kroyff vafot etgan edi. O‘yin boshida muxlislar ham, futbolchilar ham afsonaviy yulduz xotirasiga hurmat bajo keltirdi.

Bu kecha “Rahmat, Yoxan” yozuvini nafaqat “Kamp Nou”dagi namoyishda, balki “Barselona” futbolchilarining liboslarida ham ko‘rish mumkin edi.

O‘yindagi dastlabki bahsli vaziyat — Messi “Real Madrid” jarima maydonchasi chizig‘i ustida qo‘pollik bilan to‘xtatilmoqda. Biroq uchrashuv bosh hakami bu holatni e’tiborsiz qoldirdi.

Uchrashuvda hisob ochilgan vaziyat — Xerard Pike bosh bilan gol urmoqda.

“Real Madrid” bosh murabbiyi Zinedin Zidan (yaqin planda) va “Barselona” bosh murabbiyi Luis Enrike (uzoq planda).

Benzemaning hisob tenglashtiruvchi goli — qaychi uslubida.

Beyl darvozani ishg‘ol qildi, biroq gol sifatida tan olinmadi — futbolchi gol urguncha “Barselona” himoyachisiga qo‘pollik qilgan, deb topildi.

“Real Madrid”ga “ikkinchi zarba” — Serxio Ramos maydondan chetlatildi...

Biroq, durang bilan tugaydigandek ko‘ringan o‘yinda baribir “Real Madrid” g‘alaba qozondi — Krishtianu Ronaldu o‘tkir burchak ostidan aniq zarba berib, o‘yin qahramoniga aylandi.

Vaholanki, o‘yin oldidan “Daryo” nashri tomonidan tashkil etilgan so‘rovnomada ishtirok etganlarning qariyb 19 foizi (542 kishi) bu klasikoda Messi ham, Ronaldu ham qahramon bo‘la olmaydi, deb hisoblagan edi.

• Test: “El-Klasiko” haqida nimalar bilasiz?

• So‘rovnoma: “Barselona” — “Real Madrid” uchrashuvida quyidagi voqealardan qay biri sodir bo‘ladi?

• “Barselona” — “Real Madrid” 1:2. Matnli onlayn