Eron prezidenti Hasan Ruhoniy Rossiya prezidenti Vladimir Putin bilan telefon suhbati chog‘ida Suriyada yarashuvga rioya qilish zarurati haqida gapirdi. Bu haqda Eron rahbarining rasmiy Twitter’iga tayanib, “TASS” xabar bermoqda.
“Rossiya prezidenti Putin bilan telefon suhbati chog‘ida men Suriyada yarashuvga rioya qilish va muzokara jarayonini jadallashtirish zaruriyatiga e’tibor qaratdim”, — deyiladi xabarda.
Avvalroq ushbu suhbatda tomonlar Palmiraning IShID jangarilari qo‘lidan ozod etilishini muhokama qilgani, shuningdek, har ikkala tomon uchun dolzarb bo‘lgan masalalar bo‘yicha fikr almashgani haqida xabar berilgan edi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)