Эрон президенти Ҳасан Руҳоний Россия президенти Владимир Путин билан телефон суҳбати чоғида Сурияда ярашувга риоя қилиш зарурати ҳақида гапирди. Бу ҳақда Эрон раҳбарининг расмий Twitter’ига таяниб, «ТАСС» хабар бермоқда.
«Россия президенти Путин билан телефон суҳбати чоғида мен Сурияда ярашувга риоя қилиш ва музокара жараёнини жадаллаштириш заруриятига эътибор қаратдим», — дейилади хабарда.
Аввалроқ ушбу суҳбатда томонлар Пальмиранинг ИШИД жангарилари қўлидан озод этилишини муҳокама қилгани, шунингдек, ҳар иккала томон учун долзарб бўлган масалалар бўйича фикр алмашгани ҳақида хабар берилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)