Gvineyada qaytadan qo‘zg‘agan Ebola epidemiyasi oqibatida to‘rt kishi halok bo‘ldi. Bu haqda, Ebolaga qarshi kurash bo‘yicha Milliy muvofiqlashtiruvchi markazga asoslanib, “Korrespondent.net” xabar bermoqda.
Nzerekore prefekturasidagi Ebola tibbiy-tadqiqot markaziga yotqizilgan qiz vafot etgan. Yana uch kishi 29-fevraldan beri o‘tgan davr mobaynida halok bo‘lgani aytilmoqda. Ular kasallikni qanday yo‘l bilan yuqtirgani ma’lum qilinmayapti.
Avvalroq Jahon sog‘liqni saqlash tashkiloti Gvineyada ikki kishi Ebola isitmasi bilan kasallanganini tasdiqlagan edi. JSST Gvineyaga qo‘shni Syerra-Leoneda virus o‘chog‘i tugatilgani va G‘arbiy Afrikada virusning tarqalishi to‘xtatilgani haqida bayonot berganidan bir necha soat o‘tib, ikki gvineyalikda Ebola virusi topilgan edi.
Izoh (0)