АҚШда шоир Сергей Есениннинг ўғли, таниқли ҳуқуқ ҳимоячиси Александр Есенин-Вольпин 92 ёшида вафот этди. Бу ҳақда «РБК» хабар бермоқда.
Есенин-Вольпин 1924 йилда Ленинградда туғилган. 1949 йили биринчи бор аксилсовет шеърлари учун руҳий касалликлар шифохонасига жойлаштирилган, сўнг Қарағандига сургун қилинганди. 1953 йилда оқланган.
1965 йилда «Ошкоралик митинги» ташкилочиларидан бири бўлган, орадан уч йил ўтиб яна руҳий касалликлар шифохонасига юборилган. У ердан чиққач Россияни тарк этган ва АҚШга келган.
Уни яқиндан билган сафдошлари ва шогирдлари Есенин-Вольпин собиқ Иттифоқдаги ҳуқуқ ҳимоячилари ҳаракати асосчиси, шунингдек, йирик математик бўлганини таъкидлаган.
Эслатиб ўтамиз, Сергей Есениннинг қизи, журналист ва ёзувчи Татьяна Есенина 1942 йилдан бошлаб Ўзбекистонда 50 йил давомида яшаган ҳамда «Правда Востока» газетасида меҳнат қилган.
Изоҳ (0)