Rossiya moliya bozori xavfsizligi birja va valyuta olibsotarlari faoliyatiga cheklovlar qo‘yilishini talab etadi. Bu haqda Rossiya prezidentining iqtisod bo‘yicha maslahatchisi Sergey Glazyev ma’lum qildi, deya xabar beradi “RBK”.
“Bugungi kunda mamlakat makroiqtisodida tartibsizlik kuchayib bormoqda. Moliyaviy tizimimiz bizni o‘rab turgan sheriklarga nisbatan juda zaif. Uni spekulyativ hujumlardan cheklamasak, aytaylik, AQShning birgina yirik banki yoki xej-fondi vaziyatni izdan chiqarishi mumkin. Shuning uchun valyuta cheklovlarini joriy etish makroiqtisodiy barqarorlikni ta’minlash uchun o‘ta muhim”, — deya ta’kidlagan prezident maslahatchisi.
Glazyev real biznes rivoji yo‘lidagi sun’iy to‘siqlarni olib tashlashga ham chaqirdi. Uning bildirishicha, rubl kursini barqarorlashtirish, kam foizli, uzoq muddatli kreditlarning mavjudligi nafaqat mamlakatda YaIM tushib ketishining (2015-yilda 3,7% pasayish) oldini olishi, balki joriy yilning o‘zida iqtisodiy o‘sishga turtki berishi ham mumkin.
Izoh (0)