Ingushetiyada jurnalistlar va huquq himoyachilariga uyushtirilgan hujum yuzasidan tekshiruv Checheniston IIV ishtirokida olib boriladi. Bu haqda respublika ichki ishlar vaziri Ruslan Alxanov ma’lum qilgan, deya xabar beradi Meduza.
“Biz tekshiruvni olib borayotgan Ingushetiya IIVning ayrim topshiriqlari bo‘yicha ishlayapmiz”, — deya ta’kidlagan Alxanov.
Ingushetiya IIV rahbari Aleksandr Trofimovning bildirishicha, jurnalistlarga hujum ularning professional faoliyati tufayli ro‘y bergan bo‘lishi mumkin, shu sababli “jurnalistlik faoliyatini olib borishga to‘sqinlik qilish” moddasi bo‘yicha ish qo‘zg‘atish masalasi ko‘rib chiqilmoqda. Hujum qilganlarni qidirish esa butun Rossiya bo‘ylab olib borilmoqda, biroq hozircha aniq gumonlanuvchilar yo‘q.
Izoh (0)