Россия молия бозори хавфсизлиги биржа ва валюта олибсотарлари фаолиятига чекловлар қўйилишини талаб этади. Бу ҳақда Россия президентининг иқтисод бўйича маслаҳатчиси Сергей Глазьев маълум қилди, дея хабар беради «РБК».
«Бугунги кунда мамлакат макроиқтисодида тартибсизлик кучайиб бормоқда. Молиявий тизимимиз бизни ўраб турган шерикларга нисбатан жуда заиф. Уни спекулятив ҳужумлардан чекламасак, айтайлик, АҚШнинг биргина йирик банки ёки хеж-фонди вазиятни издан чиқариши мумкин. Шунинг учун валюта чекловларини жорий этиш макроиқтисодий барқарорликни таъминлаш учун ўта муҳим», — дея таъкидлаган президент маслаҳатчиси.
Глазьев реал бизнес ривожи йўлидаги сунъий тўсиқларни олиб ташлашга ҳам чақирди. Унинг билдиришича, рубль курсини барқарорлаштириш, кам фоизли, узоқ муддатли кредитларнинг мавжудлиги нафақат мамлакатда ЯИМ тушиб кетишининг (2015 йилда 3,7% пасайиш) олдини олиши, балки жорий йилнинг ўзида иқтисодий ўсишга туртки бериши ҳам мумкин.
Изоҳ (0)