Tergovchilar otasi noutbukni tortib olganidan so‘ng o‘zini otib o‘ldirgan yigitning jasadi topilishi yuzasidan tekshiruvni boshladi. Bu haqda Rossiya Federatsiyasi Tergov qo‘mitasining Leningrad viloyati bo‘yicha boshqarmasi matbuot xizmati ma’lum qilgan, deya xabar beradi “RIA Novosti”.
“Leningrad viloyatining Kirishi shahridagi uylardan birida jag‘i ostida o‘qotar quroldan jarohatlanish alomatlari bo‘lgan yosh yigitning jasadi topildi. Tekshiruvda marhum kompyuter o‘yinlariga juda berilgani, shu sababli bunga chek qo‘ymoqchi bo‘lgan otasi undan noutbukni olib qo‘ygani aniqlandi”, — deya ta’kidlanadi matbuot xizmati xabarida.
Ma’lum bo‘lishicha, otasi kompyuter o‘yinlaridan mahrum qilgach, yigit do‘stlari bilan suhbatda joniga qasd qilish niyatini bildirgan. Ayni paytda hodisa tafsilotlariga aniqlik kiritilmoqda.
Izoh (0)