Rossiyaning Voronej viloyatida 13-mart, yakshanba kuni Maslenitsa bayramiga bag‘ishlangan sayillar chog‘ida bir erkak vafot etdi, deya xabar bermoqda “Interfaks”.
Mahalliy OAVlar yozishicha, erkak ushbu bayram timsoli bo‘lmish quymoq yeyish tanlovida tomog‘iga quymoq tiqilib qolishi natijasida olamdan o‘tgan. Erkak dastlab o‘zini yomon his qilgan, so‘ng nafas olishdan to‘xtagan. Yetib kelgan shifokorlar tanlov ishtirokchisining o‘limini qayd etgan. Biroq o‘limining aniq sababi hozircha noma’lum.
“Bizda erkak aynan quymoq tomog‘iga tiqilishi natijasida o‘lgani haqida ma’lumotlar yo‘q. Ayni paytda tekshiruv olib borilmoqda. O‘lim sababini ekspertiza aniqlaydi”, — dedi IIVning mintaqa bo‘yicha boshqarmasi matbuot xizmatidagilar.
Izoh (0)