Rossiya mudofaa vazirligi Suriya qurolli kuchlarining MiG-21 qiruvchi samolyoti halokatga uchraganini tasdiqladi, deya xabar bermoqda “RBK” Suriya hududida dushman tomonlarni yarashtirish markazining mudofaa vazirligi saytiga joylangan bayonotiga tayanib.
Havo hududini nazorat qilish maqsadida parvozni amalga oshirayotgan MiG-21 qiruvchisi 12-mart kuni Suriyaning Xama provinsiyasidagi Kafer-Nbuda aholi punkti hududida urib tushirilgan.
Sputnik agentligi ma’lumotlariga ko‘ra, samolyot kabinasida ikki uchuvchi bo‘lgan. Ulardan biri katapulta qilishga urinish chog‘ida o‘ldirilgan, ikkinchisi esa Suriya armiyasi nazorati ostidagi hududga eson-omon katapulta qilgan.
Suriya mudofaa vazirligi ma’lumotlariga ko‘ra, jangarilar samolyotni u harbiy bazaga qo‘nayotgan vaqtida nishonga olgan. Shu tariqa, hukumat tomoni fikricha, qurolli guruhlar o‘t ochishni to‘xtatish haqidagi bitim shartlarini buzgan.
Izoh (0)