Россиянинг Воронеж вилоятида 13 март, якшанба куни Масленица байрамига бағишланган сайиллар чоғида бир эркак вафот этди, дея хабар бермоқда «Интерфакс».
Маҳаллий ОАВлар ёзишича, эркак ушбу байрам тимсоли бўлмиш қуймоқ ейиш танловида томоғига қуймоқ тиқилиб қолиши натижасида оламдан ўтган. Эркак дастлаб ўзини ёмон ҳис қилган, сўнг нафас олишдан тўхтаган. Етиб келган шифокорлар танлов иштирокчисининг ўлимини қайд этган. Бироқ ўлимининг аниқ сабаби ҳозирча номаълум.
«Бизда эркак айнан қуймоқ томоғига тиқилиши натижасида ўлгани ҳақида маълумотлар йўқ. Айни пайтда текширув олиб борилмоқда. Ўлим сабабини экспертиза аниқлайди», — деди ИИВнинг минтақа бўйича бошқармаси матбуот хизматидагилар.
Изоҳ (0)