Dunyodagi o‘rtacha harorat 2016-yil fevralida o‘rtacha ko‘rsatkichlardan Selsiy bo‘yicha 1,35 daraja yuqori bo‘lgan. Bu 1880-yildan beri o‘rtacha oylik haroratdan eng katta og‘ish hisoblanadi, deya xabar beradi Meduza.
Issiq haroratning rekord darajasi qatorasiga uchinchi oy qayd etilmoqda. Jumladan, yanvar oyida harorat o‘rtacha ko‘rsatkichdan 1,13 daraja yuqori bo‘lgan.
NASA ma’lumotlariga ko‘ra, 2015-yil Yer yuzida kuzatuvlar tarixidagi eng issiq yil bo‘lgan: quruqlikdagi o‘rtacha harorat 2014-yilgi rekorddan 0,13 daraja oshgan.
Eslatib o‘tamiz, meteorologik kuzatuvlarning fevral oyi tarixi bo‘yicha 2016-yilda Toshkent shahrida yangi rekord qayd etilgan. “O‘zgidromet” ma’lumotlariga ko‘ra, 2016-yil 25-fevral kuni havo harorati +27 darajagacha ko‘tarilgan.
Izoh (0)