Rossiya tashqi ishlar vaziri Sergey Lavrov “Ren-TV” telekanaliga bergan intervyusida Suriya hududida turkiyalik harbiy xizmatchilar borligini ma’lum qildi, deb yozadi Meduza.
“Bizning ma’lumotlarga ko‘ra, ular allaqachon Suriya hududida chegaradan yuzlab metr ichkariga joylashib olishni boshlagan”, — dedi u.
Lavrov aniqlik kiritishicha, Turkiya suriyalik kurdlar joylashgan nuqtalarning mustahkamlanishiga qarshi chiqib, “Suriya hududida qandaydir xavfsizlik zonalarini yaratish uchun suveren huquqi borligini da’vo qila boshlagan”.
Shu intervyuning o‘zida Lavrov Suriya hukumati AQSh boshchiligidagi xalqaro koalitsiyaning IShIDga qarshi operatsiyasini o‘z suverenitetining buzilishi deb hisoblamasligini, chunki, koalitsiya o‘z harakatlarini Rossiya bilan muvofiqlashtirishini aytdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)