Admiral Viktor Chirkov Rossiya harbiy-dengiz floti bosh qo‘mondoni lavozimidan iste’fo berdi. Bu haqda mamlakat mudofaa vazirligidagi manba ma’lum qilgan, deya xabar beradi Meduza.
“Chirkov taxminan ikki hafta avval salomatligi yomonlashgani vazifasini bajarishga imkon bermayotgani sababli iste’fo so‘ragan”, — deya ta’kidlagan manba.
Shimoliy flot bosh qo‘mondoni admiral Vladimir Korolyov vaqtincha Rossiya HDF bosh qo‘mondoni etib tayinlangan. Aynan u mazkur lavozimda qolishi kutilmoqda.
Viktor Chirkov 2012-yilda Rossiya harbiy-dengiz floti bosh qo‘mondoni etib tayinlangan, ungacha Baltika flotini boshqargan edi.
Izoh (0)