AQShning Aydaxo shtati sharqidagi Bonnevill okrugida yengil motorli samolyot qulashi oqibatida to‘rt kishi halok bo‘ldi. Okrug sherifi ikki erkak va ikki ayol aviahalokat qurboni bo‘lganini tasdiqladi. Bu haqda “RIA Novosti” xabar bermoqda.
Samolyot Aydaxo bilan chegaradagi Vayoming shtatining Alpayn shahri aeroportidan parvoz qilganidan bir necha daqiqa o‘tib qulab tushgan.
Halokatga nima sabab bo‘lgani hozircha ma’lum emas. Mahalliy politsiya xodimlari tekshiruvga kirishdi.
Izoh (0)