Yaman hukumat kuchlari Saudiya Arabistoni boshchiligidagi arab koalitsiyasi yordamida Toiz shahrida isyonchi xusiylar mudofaasini yorib o‘tdi. Bu haqda “TASS” xabar bermoqda.
“Kuchlarimiz Toiz shahrining janubi-g‘arbiy qismida qamalni yorib o‘tdi va xusiylar hamda sobiq prezident Ali Abdulla Solih tarafdorlarini siqib chiqardi”, — deyiladi hukumat qo‘shinlari qo‘mondonligi bayonotida.
OAV ma’lumotlariga ko‘ra, to‘qnashuvlar natijasida 100 ga yaqin isyonchi yo‘q qilingan, hukumat kuchlari safidagi yo‘qotishlar haqida ma’lumot berilmagan.
Mamlakatning aholi soni bo‘yicha uchinchi shahri bo‘lgan Toiz (200 ming fuqaroga ega) o‘tgan yil 22-martidan beri isyonchi xusiylar nazoratida edi.
Izoh (0)