Адмирал Виктор Чирков Россия ҳарбий-денгиз флоти бош қўмондони лавозимидан истеъфо берди. Бу ҳақда мамлакат мудофаа вазирлигидаги манба маълум қилган, дея хабар беради Meduza.
«Чирков тахминан икки ҳафта аввал саломатлиги ёмонлашгани вазифасини бажаришга имкон бермаётгани сабабли истеъфо сўраган», — дея таъкидлаган манба.
Шимолий флот бош қўмондони адмирал Владимир Королёв вақтинча Россия ҲДФ бош қўмондони этиб тайинланган. Айнан у мазкур лавозимда қолиши кутилмоқда.
Виктор Чирков 2012 йилда Россия ҳарбий-денгиз флоти бош қўмондони этиб тайинланган, унгача Балтика флотини бошқарган эди.
Изоҳ (0)