Fransiya aviatsiya rasmiylari Germanwings kompaniyasining A320 samolyoti halokatga uchrashi sabablariga oid yakuniy hisobotni e’lon qildi. Hujjatda ro‘y bergan fojianing asosiy sababchisi sifatida uchuvchi Andreas Lyubits ko‘rsatilgan, deya xabar beradi “RBK”.
Ekspertlar, shuningdek, Lyubitsda salomatlik bilan bog‘liq muammolar bo‘lganini ham tasdiqladi. Halokatdan ikki hafta avval 27 yoshli nemisni tekshiruvdan o‘tkazgan shifokorlardan biri unga ruhiy kasalliklar kasalxonasiga borishni tavsiya etgan. Biroq Lyubits bilan shug‘ullangan shifokorlar aviakompaniyaga uning muammolari haqida xabar bermagan, chunki buni shifokor sirining oshkor etilishi, deb hisoblangan. Lyubitsning o‘zi ham bu haqda ish joyida hech kimga ma’lum qilmagan, shu bois ish beruvchida unga samolyot boshqaruvini man etishga asos bo‘lmagan.
Eslatib o‘tamiz, Germaniyaning Germanwings aviakompaniyasi Airbus A320 samolyoti 2015-yilning 24-mart kuni Fransiya janubida, Alp tog‘larida halokatga uchragan, buning oqibatida 150 nafar yo‘lovchi va ekipaj a’zolari halok bo‘lgandi.
Izoh (0)