Франция авиация расмийлари Germanwings компаниясининг A320 самолёти ҳалокатга учраши сабабларига оид якуний ҳисоботни эълон қилди. Ҳужжатда рўй берган фожианинг асосий сабабчиси сифатида учувчи Андреас Любиц кўрсатилган, дея хабар беради «РБК».
Экспертлар, шунингдек, Любицда саломатлик билан боғлиқ муаммолар бўлганини ҳам тасдиқлади. Ҳалокатдан икки ҳафта аввал 27 ёшли немисни текширувдан ўтказган шифокорлардан бири унга руҳий касалликлар касалхонасига боришни тавсия этган. Бироқ Любиц билан шуғулланган шифокорлар авиакомпанияга унинг муаммолари ҳақида хабар бермаган, чунки буни шифокор сирининг ошкор этилиши, деб ҳисобланган. Любицнинг ўзи ҳам бу ҳақда иш жойида ҳеч кимга маълум қилмаган, шу боис иш берувчида унга самолёт бошқарувини ман этишга асос бўлмаган.
Эслатиб ўтамиз, Германиянинг Germanwings авиакомпанияси Airbus A320 самолёти 2015 йилнинг 24 март куни Франция жанубида, Альп тоғларида ҳалокатга учраган, бунинг оқибатида 150 нафар йўловчи ва экипаж аъзолари ҳалок бўлганди.
Изоҳ (0)