Respublikachilar partiyasidan AQSh prezidentligiga saylovlarda ishtirok etishga nomzod Donald Tramp Michigan va Missisipi shtatlaridagi praymerizda yetakchilik qilmoqda. Bu haqda “RBK” xabar berdi.
Michiganda ovozlarning 49 foizi hisoblab chiqilgan bo‘lib, Tramp 37,1% yoki syezd delegatlarining 21 ovozini to‘pladi. Ogayo shtati gubernatori Jon Keysik 25,3% (15 ovoz), Texas shtatidan senator Ted Kruz esa 23,9% (12 ovoz) yiqqan. Missisipida ovozlarning 55,8 foizi hisob-kitob qilingan, Trampga 49%, unga yaqin raqib Ted Kruzga esa 35,3% ovoz berilgan.
Demokratlar orasida dastlabki hisob-kitoblarga ko‘ra, Michiganda senator Berni Sanders, Missisipida esa Hillari Klinton peshqadam bo‘lib turibdi.
9-mart, chorshanba kuni respublikachilar o‘rtasida Michigan va Missisipidan tashqari, Aydaxo va Gavayida ham praymeriz bo‘lib o‘tadi.
Izoh (0)