Республикачилар партиясидан АҚШ президентлигига сайловларда иштирок этишга номзод Дональд Трамп Мичиган ва Миссисипи штатларидаги праймеризда етакчилик қилмоқда. Бу ҳақда «РБК» хабар берди.
Мичиганда овозларнинг 49 фоизи ҳисоблаб чиқилган бўлиб, Трамп 37,1% ёки съезд делегатларининг 21 овозини тўплади. Огайо штати губернатори Жон Кейсик 25,3% (15 овоз), Техас штатидан сенатор Тед Круз эса 23,9% (12 овоз) йиққан. Миссисипида овозларнинг 55,8 фоизи ҳисоб-китоб қилинган, Трампга 49%, унга яқин рақиб Тед Крузга эса 35,3% овоз берилган.
Демократлар орасида дастлабки ҳисоб-китобларга кўра, Мичиганда сенатор Берни Сандерс, Миссисипида эса Ҳиллари Клинтон пешқадам бўлиб турибди.
9 март, чоршанба куни республикачилар ўртасида Мичиган ва Миссисипидан ташқари, Айдахо ва Гавайида ҳам праймериз бўлиб ўтади.
Изоҳ (0)