Eng yirik texnologik kompaniyalar rahbarlari va Respublikachilar partiyasining yuqori lavozimli vakillari maxfiy uchrashuvga bordi, u yerda AQSh prezidentligiga ehtimoliy nomzod bo‘lgan Donald Trampga qarshi kurash rejasi muhokama qilindi, deb yozadi Meduza.
Uchrashuv Amerika tadbirkorlik instituti tomonidan tashkil qilingan forum doirasida bo‘lib o‘tdi. Bu haqda Huffington Post o‘z manbalariga tayanib xabar bergan.
Forumda, jumladan, Apple rahbari Tim Kuk, Google asoschilaridan biri Larri Peyj, Tesla Motors va Space X yaratuvchisi Ilon Mask, Napster yaratuvchisi va Facebook investori Shon Parker, shuningdek, respublikachi Mitch Makkonnell (Senatda partiya yetakchisi) va Vakillar palatasi spikeri Pol Rayan ishtirok etdi.
Jorj Bushning sobiq bosh maslahatchisi Karl Rouv uchrashuvda Trampning asosiy zaifliklari haqidagi fokus-guruhlar natijalarini e’lon qildi. Uning so‘zlariga ko‘ra, saylovchilar Trampni prezident sifatida yoki o‘z farzandlari uchun namuna sifatida tasavvur etishi qiyin. Bundan tashqari, unga yadro tugmasini ishonib topshirish uchun uni juda g‘alati deb hisoblashadi.
Izoh (0)