Энг йирик технологик компаниялар раҳбарлари ва Республикачилар партиясининг юқори лавозимли вакиллари махфий учрашувга борди, у ерда АҚШ президентлигига эҳтимолий номзод бўлган Дональд Трампга қарши кураш режаси муҳокама қилинди, деб ёзади Meduza.
Учрашув Америка тадбиркорлик институти томонидан ташкил қилинган форум доирасида бўлиб ўтди. Бу ҳақда Huffington Post ўз манбаларига таяниб хабар берган.
Форумда, жумладан, Apple раҳбари Тим Кук, Google асосчиларидан бири Ларри Пейж, Tesla Motors ва Space Х яратувчиси Илон Маск, Napster яратувчиси ва Facebook инвестори Шон Паркер, шунингдек, республикачи Митч Макконнелл (Сенатда партия етакчиси) ва Вакиллар палатаси спикери Пол Райан иштирок этди.
Жорж Бушнинг собиқ бош маслаҳатчиси Карл Роув учрашувда Трампнинг асосий заифликлари ҳақидаги фокус-гуруҳлар натижаларини эълон қилди. Унинг сўзларига кўра, сайловчилар Трампни президент сифатида ёки ўз фарзандлари учун намуна сифатида тасаввур этиши қийин. Бундан ташқари, унга ядро тугмасини ишониб топшириш учун уни жуда ғалати деб ҳисоблашади.
Изоҳ (0)