UFC’ning o‘rta vazn toifasida (-84 kg) jang qiluvchi, hali mag‘lubiyat nimaligini bilmay kelayotgan 31 yoshli chechenistonlik aralash jang san’ati ustasi Hamzat Chimayev promoushen tarixidagi eng kuchli hamda umuman mag‘lub bo‘lmagan 5 ta jangchi kimligini aytdi.
Chimayev tuzgan ro‘yxatdan amerikalik, kanadalik va dog‘istonlik sportchilar joy oldi:
Ularning o‘tkazgan janglari va qancha vaqt yuqori o‘rinlarni egallab turganiga qarab aytadigan bo‘lsam, Jon Jons, Jorj Sen-Pyer, Habib Nurmagomedov va Bi-Jey Pen. Hozirgi jangchilar orasidan Islom Maxachevni ham shu ro‘yxatga qo‘shgan bo‘lar edim. U allaqachon o‘zini nimalarga qodir ekanligini barchaga isbotladi. Endi esa ikkinchi vazn toifasida chempionlikni qo‘lga kiritish uchun harakat qilmoqda, — dedi Chimayev UFC matbuot xizmatiga bergan intervyusida.
Ma’lumot uchun, Hamzat o‘zining so‘nggi jangini 26-oktabr kuni Abu-Dabi (BAA)da o‘tkazilgan UFC 308 turnirida o‘tkazdi. U sobiq o‘rta vazn chempioni, avstraliyalik Robert Uittaker bilan jang qilib, birinchi raunddayoq bo‘g‘ish usuli bilan g‘alaba qozongan edi.
Izoh (0)