Ozarbayjon Armanistonga qurol sotilgani munosabati bilan Rossiyaga norozilik notasi topshirdi. Bu haqda mamlakat tashqi ishlar vazirligi rasmiy vakili Hikmat Gadjiyev ma’lum qildi, deya xabar beradi “RIA Novosti”.
“Notada Ozarbayjon Armaniston tomonidan xarid qilingan qurol-aslaha va harbiy texnika mamlakatning ayirmachilar tomonidan egallangan Tog‘li Qorabog‘ hududida joylashtirilgani haqida xalqaro hamjamiyatga bir necha bor rad etib bo‘lmas dalillar taqdim etgani ta’kidlangan”, — deya ma’lum qilgan Gadjiyev.
Uning aytishicha, Armanistonga zamonaviy, jumladan, hujum qurollarining yetkazib berilishi mojaroni bartaraf etishga yordam bermaydi, aksincha, keskinlik ortishiga olib keladi. “Shu munosabat bilan Ozarbayjon eksportchi davlatdan sotilgan qurol-aslaha va texnika okkupatsiya qilingan hudud hamda mamlakatning Armaniston bilan chegarasi yaqinida joylashtirilmasligi kafolatlanishini kutadi”, — deya ta’kidlagan vakil.
Izoh (0)