G‘afur G‘ulom nomidagi nashriyot-matbaa ijodiy uyi Koreyaning adabiyot tarjimasi instituti (LTI Korea) va Changbi Publishers Inc nashriyoti bilan hamkorlikda Koreya Respublikasining iste’dodli yozuvchilaridan biri bo‘lmish In Hi Kyongning “Baxtli inson soatga qaramaydi” kitobini o‘zbek tilida nashr etdi. Bu haqda nashriyot-matbaa ijodiy uyi saytida ma’lum qilingan.
To‘plam yettita novelladan iborat. Ularda insonlar o‘rtasidagi munosabatlarning nozikligi, bunga bepisandlik bilan qaralganda yuzaga kelishi mumkin bo‘lgan holatlar haqida hikoya qilinadi. Adibaning “Nomahramga ko‘ngil qo‘yish”, “Baxtli inson soatga qaramaydi”, “Momataloq” kabi novellalari o‘zbek kitobxonlarida ham qiziqish uyg‘otishi kutilmoqda.
Koreyalik yozuvchining ushbu to‘plami San’at Tajimuratov tomonidan o‘zbek tiliga o‘girilgan.
Izoh (0)